നാടിനെ അറിയാന് നാട്ടറിവു യാത്രകള്!!
ഓടപ്പള്ളം ഗവ.ഹൈസ്ക്കൂള് സാമൂഹ്യശാസ്ത്രക്ലബ്ബിന്റെ ആഭിമുഖ്യത്തില് നാടിനെ അറിഞ്ഞ് നാട്ടറിവുകള് ശേഖരിക്കാനായി നാട്ടറിവു യാത്രകള് നടത്തി. ഒഴിവു സമയത്ത് പുതുവീട് വയലിലെത്തിയ സാമൂഹ്യശാസ്ത്രക്ലബ്ബ് അംഗങ്ങള് കര്ഷകരുമായി അഭിമുഖം നടത്തുകയും നാട്ടറിവുകള് ശേഖരിക്കുകയും ചെയ്തു. വയലിലിറങ്ങി ഞാറു നട്ടത് കുട്ടികള്ക്ക് തികച്ചും വ്യത്യസ്തമായ അനുഭവമായി. ശേഖരിച്ച വിവരങ്ങള് പിന്നീട് സെമിനാറില് മറ്റു കുട്ടികളുടെ മുന്നില് അവതരിപ്പിക്കുകയും ചെയ്യും. സാമൂഹ്യശാസ്ത്ര ക്ലബ്ബ് കോര്ഡിനേറ്റര് വിനീത ടീച്ചറുടെയും ബാബു സാറിന്റെയും നേതൃത്വത്തിലായിരുന്നു ആദ്യ യാത്ര. സുരേഷ്, സതീഷ് എ.എസ്. തുടങ്ങിയ കര്ഷകര് സംസാരിച്ചു.